У мінулую суботу шматлюдна было ў касцёле св. Пятра і Паўла. Сюды прыйшлі не толькі прыхаджане, але і запрошаныя на вяселле маладой пары Піваварчыкаў. Алена і Аляксандр злучалі свае сэрцы ў сакраманце шлюбу, а месцам для абраду вянчання стала капыльская святыня.
Адміністратар парафіі св. Пятра і Паўла ксёндз Аляксандр Вітко, а таксама ксёндз Мінскай парафіі Узвышэння Святога Крыжа Андрэй Бародзіч правялі св. Імшу і пад гукі аргана, спевы прыхаджан далучылі маладых да святой таямніцы, калі ў клятве любові і вернасці адзін да аднаго ў сведкі бяруць выключна самога Бога, просячы яго благаславення.
Алена працуе ў адной са сталічных друкарань інжынерам па ўпраўленні якасцю, а яе суджаны – выкладчык БНТУ. На пытанне, чаму вырашылі ўзяць шлюб менавіта ў касцёле, Аляксандр адказаў:
— Мы – хрысціяне, таму перад Богам далі клятву жыць у адпаведнасці з яго запаведзямі.
Марыя ШЭІНА
Фота аўтара
Комментарии