Пакуль кожны, хто вырашыў пасадзіць сваё дрэўца, займаўся гэтай справай, іншыя жыхары Капыльшчыны наводзілі парадак. А гэта, згадзіцеся, справа таксама неабходная.
Бурліла праца і на вуліцах Капыля: вось супрацоўнікі ЦБУ № 528 у г. Капылі рэгіянальнай дырэкцыі па Мінскай вобласці ААТ «Белаграпрамбанк» і ЦБП № 609 ААТ «ААБ Беларусбанк» наводзяць парадак каля рэчкі Каменкі. Работнікі райвыканкама імкнуцца зрабіць тэрыторыю каля галоўнага будынка горада чыстай і прыгожай. Зона адпачынку пастаянна застаецца запатрабаванай. Таму, каб прывесці яе ў належны стан, тут працавалі выратавальнікі з РАНС і прадстаўнікі ўстаноў адукацыі. Медыцынскі персанал Капыльскай ЦРБ таксама выйшаў на работы: прыемна, калі побач чыста. Пазбавіўся ад смецця і схіл за касцёлам святых Пятра і Паўла: гэтым займаліся супрацоўнікі райвыканкама.
Дзіяна ТКАЧЭНКА
Комментарии