Вынікі работы сельгаспрадпрыемстваў раёна за 2018 год па штучным асемяненні жывёлы і аднаўленні статка былі падведзены падчас семінара-нарады, якая адбылася на гэтым тыдні.
Да запрошаных — галоўных заатэхнікаў, галоўных ветэрынарных урачоў гаспадарак раёна і тэхнікаў-асемянатараў, спецыялістаў райплемстанцыі — звярнуўся старшыня райвыканкама Анатоль Ліневіч.
Анатоль Канстанцінавіч адзначыў тую вялікую ролю, якую адыгрывае ў эканоміцы сельгаспрадпрыемстваў і ўвогуле раёна выніковая праца людзей, што адказваюць за аднаўленне пагалоўя жывёлы. Ішла размова і пра рэзервы, якія яшчэ цалкам не реалізаваны.
Перад запрошанымі спецыялістамі былі пастаўлены задачы, станоўчае вырашэнне якіх дазволіць выканаць прагнозныя паказчыкі па атрыманні сельскагаспадарчай прадукцыі.
Па выніках года лепшыя тэхнікі-асемянатары атрымаюць заслужаныя ўзнагароды.
Маргарыта САКОВІЧ
Комментарии