Узначаліў дэлегацыю старшыня райвыканкама Анатоль Ліневіч.
Праводзілася свята ў Палацы культуры г. Узда. Цёплыя словы і добрыя пажаданні ўсім тым, чыя нялёгкая круглагадовая работа вызначае развіццё эканомікі вобласці, адрасаваў старшыня Мінаблвыканкама Анатоль Ісачанка. Шэсць працаўнікоў ферм Капыльшчыны атрымалі граматы і падарункі ад аблвыканкама, абкама прафсаюза работнікаў АПК, а таксама іншых структур. У іх ліку аператар машыннага даення кароў Галіна Логаш (УП «ПІК-Лясное»), жывёлавод Сяргей Халюта (ААТ «Піянер-Агра»), механізатар на кормараздатчыку з ААТ «Старыца-Агра» Міхаіл Фяткевіч, заатэхнік-селекцыянер з УП «ПІК-Лясное» Ірына Шалік, пастух з ЗАТ «Жыліхава» Мікалай Рабцэвіч і аператар па вырошчванні бройлераў з ААТ «Семежава» Наталля Трухан.
Сяргей КОЗЕЛ
Комментарии