За мінулы год савет грамадскага пункта аховы правапарадку пры Слабада-Кучынскім сельвыканкаме прызнаны лепшым у раённым аглядзе-конкурсе.
Праведзена 14 яго пасяджэнняў, падчас іх разгледжана 139 спраў на асоб, якія схільны да здзяйснення супрацьпраўных дзеянняў і вядуць асацыяльны лад жыцця. Праведзена абследаванне назіральнай камісіяй 841 домаўладання па пытаннях пажарнай бяспекі. Акрамя таго вывучаўся стан парадку на зямлі, дарог, асвятлення населеных пунктаў і сельгасаб’ектаў, арганізацыя адпачынку моладзі і г.д.
Дзякуючы рабоце, якая праводзіцца саветам грамадскага пункта аховы правапарадку, у 2018 годзе звярнуліся да ўрача-нарколага для кансультацый і лячэння 8 чалавек, 2 накіраваны ў лячэбна-працоўныя прафілакторыі. За мінулы год на тэрыторыі сельсавета здзейснена 10 злачынстваў (за 2017 г. — 16).
Комментарии