Дзевяцікласнік гімназіі № 1 г. Капыля імя М.В. Рамашкі Башар Абас узнагароджаны Дыпломам ІІІ ступені па выніках вочнай абароны даследаванняў абласнога этапа ХII рэспубліканскага конкурсу «Энергомарафон-2018».
На суд журы юны даследчык прадставіў работу «Уключыць нельга выключыць. Дзе паставіць коску?», якую выканаў пад кіраўніцтвам настаўніцы фізікі Святланы Яўгенаўны Свяцкай. Усе працы, прадстаўленыя на конкурс, былі прысвечаны выкарыстанню энергаэфектыўных тэхналогій, спосабам энергазберажэння дома і ў школе, аднаўляльным крыніцам энергіі. Дарэчы, на мерапрыемства былі запрошаны вучні, чые конкурсныя работы журы прызнала лепшымі ў сваіх намінацыях: «Праект практычных мерапрыем-стваў па энергазберажэнні» і «Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў».
Дзіяна ТКАЧЭНКА
Комментарии