Згодна з пастановай Савета Міністраў Рэспублікі Беларусь №423 ад 1 красавіка 2011 г. “Аб правядзенні рэспубліканскага субот-ніка ў 2011 годзе”, а таксама з адпаведным рашэннем Мінаблвыканкама, Капыльскі раённы выканаўчы камітэт прыняў рашэнне на добраахвотнай аснове правесці 16 красавіка 2011 года рэспубліканскі і раённы суботнікі на рабочых месцах ці на сацыяльна значных аб’ектах.
Рабочую групу па падрыхтоўцы і правядзенні суботніка, у склад якой увайшлі кіраўнікі розных служб, узначаліла намеснік старшыні райвыканкама Ала Раеўская.
Сёння, падчас суботніка, прадстаўнікоў працоўных калектываў Капыльшчыны можна сустрэць на добраўпарадкаванні горада і сельскіх населеных пунктаў, на падборы камянёў на палетках, іншых сельгасработах у гаспадарках раёна.
Заробленыя на суботніку грошы будуць накіраваны на аздараўленне і санаторна-курортнае лячэнне дзяцей, якія пражываюць на тэрыторыі радыеактыўнага забруджвання, і інвалідаў з прычыны катастрофы на Чарнобыльскай АЭС, а таксама на мінімізацыю яе выкідаў. Некаторая частка атрыманых грашовых сродкаў пойдзе на будаўніцтва новага будынка музея Вялікай Айчыннай вайны ў Мінску і для падтрымкі пацярпелых ад выбуху ў метро.
Добраўпарадкаванне населеных пунктаў, могілак, месц пахавання воінаў і партызан Вялікай Айчыннай вайны, мемарыяльных комплексаў, месц баявой і воінскай славы пачалі праводзіць яшчэ да дня афіцыйнага суботніка. На здымку
Сяргея Лазоўскага адлюстраваны момант уборкі брацкай магілы ў в. Аргелаўшчына работнікамі райваенкамата.
Марыя ШЭІНА
Комментарии