У мінулую суботу Капыль адзначыў свой 1012-ты год нараджэння. Яркае і маштабнае — гэта, бадай, самыя дакладныя характарыстыкі свята. Яго арганізатары пастараліся зрабіць Дзень горада не толькі насычаным, але ўтульным і камфортным для жыхароў і гасцей Капыля.
[caption id="attachment_69290" align="aligncenter" width="560"]
■ Адзін з самых галоўных момантаў свята - ушанаванне занесеных у Кнігу працоўнай славы Капыльскага раёна[/caption]
Урачыстасць пачалася са з’яўлення на цэнтральнай плошчы Капыля байкераў са сцягамі і харэаграфічнай кампазіцыі.
Слова для ўрачыстага адкрыцця свята горада было дадзена кіраўніку Капыльскага раёна Анатолю Ліневічу. Анатоль Канстанцінавіч адзначыў, што гісторыя горада багатая, падзякаваў усім яго жыхарам за той уклад, які яны ўносяць у развіццё роднага краю, пажадаў, каб будучыя пакаленні прадоўжылі гэтыя слаўныя традыцыі.
Ганаровае права падняць сцяг горада было дадзена ветэранам працы Уладзіміру Касінскаму і Зінаідзе Мысінай.
З віншаваннямі да землякоў звярнулася і дэпутат парламента Людміла Ніжэвіч. Ад Нацыянальнага сходу Рэспублікі Беларусь яна ўзнагародзіла Ганаровымі граматамі дырэктара ДУА «Камсамольскі вучэбна-педагагічны комплекс дзіцячы сад-сярэдняя школа» Васіля Труса, настаўніка дзяржаўнай установы адукацыі «Капыльская дзіцячая школа мастацтваў» Льва Канапляніка, урача функцыянальнай дыягностыкі УАЗ «Капыльская цэнтральная раённая бальніца» Ірыну Гулевіч, а Падзяку старшыні Палаты прадстаўнікоў Нацыянальнага сходу Рэспублікі Беларусь уручыла ўрачу-метадысту арганізацыйна-метадычнага кабінета УАЗ «Капыльская цэнтральная раённая бальніца» Міхаілу Роўбуцю.
[caption id="attachment_69286" align="aligncenter" width="560"]
■ Людміла Ніжэвіч уручае Ганаровую грамату Ірыне Гулевіч[/caption]
Капылян са святам таксама павіншавалі госці з Расіі, Літвы, намеснік генеральнага дырэктара адкрытага акцыянернага таварыства «Беларуськалій» Міхаіл Сяўрук, благачынны цэркваў Капыльскай акругі протаіерэй Сергій Чарны. Адным з яскравых момантаў свята стала ўручэнне расійскімі гасцямі традыцыйнай арэнбургскай пуховай хусткі з выявамі гербаў Капыля і Арэнбурга, а Міхаіл Сяўрук уручыў сертыфікат на набыццё абсталявання для стаматалагічнага кабінета.
[caption id="attachment_69287" align="aligncenter" width="560"]
■ Анатоль Ліневіч атрымлівае ад Міхаіла Сяўрука сертыфікат на набыццё абсталявання для стаматалагічнага кабінета[/caption]
Затым на плошчы з’явілася карэта з князем і княгіняй, якія ўшанавалі тых, хто занесены ў Кнігу працоўнай славы Капыльскага раёна. Як мы паведамлялі раней, яна папоўнілася дзевяццю імёнамі нашых землякоў.
Вядома ж, нельга ўявіць жыццё нашага горада без прамысловых прадпрыемстваў і сферы абслугоўвання насельніцтва. Менавіта ім быў прысвечаны наступны тэматычны блок.
Прадоўжылі святочную дэманстрацыю маладыя сямейныя пары з усіх куткоў раёна, павіншавалі немаўлят, якія з’явіліся на свет напярэдадні дня нараджэння Капыля, прайшло дэфіле «Мая каляска — мая казка», якое падрыхтавалі бацькі выхаванцаў дзіцячых дашкольных устаноў горада.
Запамінальным стаў і парад дажыначных караваяў ад гаспадарак Капыльшчыны. Самы святочны, прыгожы і значны каравай быў прызначаны галоўнаму віноўніку ўрачыстасці — Капылю. Услед за ім святочнае шэсце накіравалася ў зону адпачынку.
Кожны блок праграмы суправаджаўся выступленнем самадзейных артыстаў Капыльшчыны і гасцей. Адны з іх — заслужаны аматарскі калектыў Беларусі, фальклорны ансамбль «Дударыкі» пад кіраўніцтвам нашага земляка Дзмітрыя Ровенскага.
Комментарии