Само слова “сакавік” гаворыць нам пра тое, што вось-вось ажывуць дрэвы, а мы зможам пакаштаваць найсмачнейшага бярозавіку. Аднак усім аматарам гэтай жыва-творнай вадкасці не варта забываць, што прыродаахоўнае заканадаўства мае свой пункт погляду на тое, як і дзе можна нарыхтоўваць сок.
Той жа, хто любіць жыць па прынцыпе “Бог не выдасць, свіння не з’есць”, можа падкласці сабе гэтую самую свінню. Штрафы за пашкоджванне дрэў у гэты перыяд могуць вагацца ад 175 тысяч да 1 мільёна 175 тысяч рублёў для прыватнай асобы і да 7 мільёнаў рублёў для індывідуальнага прадпрымальніка.
Хіба ж не танней будзе звярнуцца ў бліжэйшае лясніцтва і набыць там свежы бярозавік па 250 – 300 рублёў за літр.
Дарэчы, самыя “сакавітыя” бярозы растуць на сонцы. Шмат соку звычайна даюць тыя дрэвы, якім споўнілася 50-60 гадоў.
Маргарыта САКОВІЧ
Комментарии