Паводле інфармацыі дыспетчарскай райсельгасхарчу, па стане на 1 красавіка вільгаць закрыта на 527 га. Займаюцца гэтай справай восем сельгаспрадпрыемстваў: ААТ “Семежава” (150 га), “Старыца-Агра” (105 га), “Скабін” (75 га), “Ціміразеўскі” (70 га), РСУП “Бабоўня” (42 га), СГФ “Крыніца” (35 га), МАУП “Доктаравічы” (30 га), ААТ “Малінава” (20 га).
Увага шматгадовым травам
Шматгадовыя травы падсеяны на 516 га, што складае звыш 10% да запланаванага. Найбольш вынікова працуюць у ААТ “Скабін” — 45,2%, СГФ “Крыніца” — 37,5%, ЗАТ “Жыліхава” — 32,8%, РСУП “С “Прамень” — 27,6%.
Падкормка культур
На названую дату падкормлена 920 га азімых збожжавых, 180 га азімага рапсу, 5212 га шматгадовых траў (у тым ліку азотам — 503 га), 9298 га сенажацяў і пашаў (у тым ліку азотам — 627 га). Пад яравую сяўбу ўнесена 4853,5 тоны дз.р. мінеральных угнаенняў, у тым ліку 3113 т дз. р. калію, 1733 т дз. р. фосфару, 7,2 т дз. р. азоту. За апошні дзень унесена 1405,4 т дз. р.
Падрыхтавала Маргарыта САКОВІЧ
Комментарии