СПЕЦВЫПУСК, посвященный 50-летнему юбилею СХФ “Криница” ОАО “Минскремстрой”.
На МТФ “Сл.-Кучынка” ўтварылася, можна сказаць, сямейная дынастыя. Тут доглядам цялят займаюцца Марыя Іванаўна Панцялейка
(на здымку), яе дачка Ірына і нявестка Таццяна Цецеравы.
Марыю Іванаўну на Капыльшчыну таксама “прывёў” Чарнобыль. 23 гады таму ёй давялося кінуць родны дом у Касцюковіцкім раёне, што на Магілёўшчыне, і шукаць паратунку ад чорнай бяды ў нашым раёне. У Слабодцы сям’і выдзелілі дом. “Мы тут прыжыліся, выгадавалі дзяцей, радуемся ўнукамі, — гаворыць Марыя Іванаўна. — Рэдка даводзіцца бываць на радзіме, і ўспаміны аб кожнай такой паездцы доўга-доўга балючай стрэмкай сядзяць у сэрцы”.
У СГФ “Крыніца” Марыя Іванаўна заўсёды на добрым рахунку. Даглядаючы 90 галоў (гэтак, як і яе дзяўчаты), жанчына летась атрымала звыш 800 г сярэднясутачнай прывагі.
Комментарии