Днямі на сцэне раённага Цэнтра культуры адбыўся канцэрт заслужанага аматарскага ансамбля “Церніца”, які працуе пры Палацы культуры і спорту чыгуначнікаў г. Мінска. Пазнаёміцца з творчасцю калектыву было прыемна ўдвая, бо ён па выніках 2010 года стаў лаўрэатам спецыяльнай прэміі Прэзідэнта Рэспублікі Беларусь дзеячам культуры і мастацтва за вялікую работу па вывучэнні, адраджэнні і захаванні народных традыцый.
“Церніца” вядома не толькі ў Беларусі, але і далёка за яе межамі. Напрыклад, за мінулы год ансамблем было дадзена больш за 60 канцэртаў і толькі каля 30 у Шанхаі на выставе “Экспа-2010”. Рэпертуар калектыву ўключае ў сябе арыгінальныя аўтарскія і беларускія народныя песні, прысвечаныя роднаму краю, роднай Беларусі.
Сяргей КОЗЕЛ
Фота аўтара
Комментарии