Капыляне прынялі ўдзел у абласным свяце, прысвечаным Дню Незалежнасці Рэспублікі Беларусь і 75-й гадавіне вызвалення краіны ад нямецка-фашысцкіх захопнікаў. Урачыстасць адбылася ў Нясвіжы.
[caption id="attachment_78049" align="aligncenter" width="840"]
■ Віншаванні ад старшыні Мінаблвыканкама Анатоля Ісачанкі[/caption]
У склад дэлегацыі, якую ўзначаліла старшыня раённага Савета дэпутатаў Ірына Кісляк, увайшлі прадстаўнікі працоўных калектываў горада і раёна. Да іх далучылася і дэпутат Палаты прадстаўнікоў Нацыянальнага сходу Рэспублікі Беларусь Людміла Ніжэвіч.
[caption id="attachment_78050" align="aligncenter" width="840"]
■ Цудоўны настрой гледачам падарыў Ігар Нікалаеў[/caption]
Да шматлікіх гледачоў, якія размясціліся на гарадскім стадыёне, з віншавальнымі словамі звярнуўся старшыня Мінскага абласнога выканаўчага камітэта Анатоль Ісачанка. Былі ў праграме і віншавальныя відэа-паштоўкі, дасланыя з усіх абласных цэнтраў краіны і горада Мінска. Вельмі ўзрушыў прысутных фільм, у якім распавядалася пра ўклад жыхароў сталічнага рэгіёну ў Вялікую Перамогу, была паказана храналогія вызвалення вобласці ад нямецка-фашысцкіх захопнікаў.
[caption id="attachment_78051" align="aligncenter" width="840"]
■ Спявалі гімн разам[/caption]
Цудоўную святочную атмасферу стваралі ў гэты ліпеньскі вечар выступленні Прэзідэнцкага аркестра Рэспублікі Беларусь пад кіраўніцтвам Віктара Бабарыкіна, вядомых беларускіх вакалістаў і танцораў. Кульмінацыяй канцэртнай праграмы стала з’яўленне на сцэне кампазітара, спевака, заслужанага дзеяча мастацтваў Расійскай Федэрацыі Ігара Нікалаева. У яго выкананні прагучалі добра вядомыя гледачу песні.
Святкаванне Дня Незалежнасці завяршылася выкананнем гімна: артысты з гледачамі спявалі яго разам. А затым начное неба горада ўпрыгожылі агні феерверкаў.
Маргарыта САКОВІЧ
Комментарии