Сукупнасць культурных, духоўных каштоўнасцей, невычэрпная крыніца абрадаў, легенд, матываў, вобразаў, сюжэтаў – усё гэта і ёсць спадчына. У новым праекце мы раскажам пра тое, што ідзе з глыбіні вякоў, з’яўляецца духоўным і культурным багаццем Капыльшчыны: народная творчасць, фальклор, легенды, паданні, абрады, звычаі і нават прысмакі. Зробім экскурс у далёкую мінуўшчыну нашага старажытнага гарадка і населеных пунктаў раёна.
Мы звяртаемся да нашых чытачоў, няштатных карэспандэнтаў, работнікаў культуры, настаўнікаў, вучняў, усіх, хто цікавіцца гісторыяй роднага краю, з просьбай прыняць удзел у распрацоўцы новага праекта. Дасылайце матэрыялы пра спадчыну, якая засталася ад нашых продкаў.
Мы павінны шанаваць і любіць родную Бацькаўшчыну, што ўзгадавала нас, дала крылы для палёту ў гэтым неабсяжным свеце і кожны раз у сэрцы кліча да сябе сваёй шчымлівай прыцягальнай сілай.
Марыя ШЭІНА,
галоўны рэдактар
Комментарии