Палова пытанняў, зададзеных падчас чарговага прыёму грамадзян старшынёй Капыльскага райвыканкама Анатолем Ліневічам, была адрасавана жыллёва-камунальнай службе.
Напрыклад, жыхары вуліцы Кастрычніцкай у Капылі ўжо неаднойчы ўздымалі праблему адвядзення ліўневых вод. Разабрацца з гэтым пытаннем даручана начальнікам ЖКГ і землеўпарадкавальнай службы.
Жыхарка дома № 2 па вуліцы Цеплавой выказала заклапочанасць у сувязі з затапленнем падвала. Праблема таксама бу-дзе вывучана ў бліжэйшы час.
Былі і скаргі на суседзяў, якія парушаюць правілы карыстання жылымі памяшканнямі ў шматкватэрным доме.
Акрамя таго, да кіраўніка раёна звярталіся грамадзяне па пытанні працаўладкавання і выдзяленні жылля.
Сустракаліся і выпадкі, калі капыляне праяўлялі актыўную жыццёвую пазіцыю і занепакоенасць станам нашага горада. Напрыклад, адзін з жыхароў вуліцы Цімкавіцкай выказаў пажаданне, каб яна як мага часцей прыбіралася. В.а. начальніка ДРБУ № 124 Віталю Ластачкіну даручана выконваць яе ўборку як мінімум раз у тыдзень.
Сяргей КОЗЕЛ
Комментарии