■ Гаспадаркамі раёна па стане на 4 жніўня ўбрана 23,7% плошчаў збожжавых і зернебабовых культур. Намалочана 28 493 тоны пры сярэдняй ураджайнасці 35,1 ц/га. На палетках працуюць 140 камбайнаў.
■ У сярэднім за дзень убіраюць па 5,1% уборачнай плошчы. Аднак некаторыя сельгаспрадпрыемствы паказваюць больш высокія тэмпы работ. Так, у ф-ле «Лакнея» штодзённа скошваюць па 8,6% неабходнай плошчы, СГФ «Руднае» ― 7,7%, ААТ «Семежава» — 7,4%.
■ Лепшыя тэмпы работ паказваюць КСУП «Доктаравічы» (36%), ААТ «Семежава» (32%), «Старыца-Агра» (31%), «Піянер-Агра» (30%).
■ Пакуль самая высокая ўраджайнасць у ААТ «Піянер-Агра» — 43,3 ц/га, «Семежава» — 41,5 ц/га, «Прагрэс 2010» ― 40,1 ц/га.
■ Найлепш урадзіла азімая пшаніца ў ААТ «Старыца-Агра» — 46,8 ц/га, яравы ячмень — у ААТ «Піянер-Агра» ― 52,3 ц/га.
■ Следам за камбайнамі ў поле выходзяць прэс-падборшчыкі — задзейнічана 55 адзінак. Ужо запрасавана салома на 34% абмалочаных плошчаў.
■ Актыўна вядзецца звозка цюкоў. Спрасаваная салома ўжо звезена з плошчы 1673 га, у тым ліку за апошні дзень — 771 га.
Маргарыта САКОВІЧ
Комментарии