34
У райвыканкаме
02.02.2011
На пасяджэнні райвыканкама разгледжаны вынікі сацыяльна-эканамічнага развіцця раёна за 2010 год і прагноз на 2011 год.
На пасяджэнні райвыканкама, якое адбылося напрыканцы мінулага тыдня, разгледжана пытанне “Аб выніках сацыяльна-эканамічнага развіцця раёна за 2010 год і прагнозе на 2011 год”.
Як адзначыла намеснік старшыні райвыканкама па эканоміцы Ала Раманоўская, па выніках работы за мінулы год раён выканаў прагнозныя параметры па аб’ёме вытворчасці прамысловай прадукцыі, па вытворчасці спажывецкіх тавараў, экспарце і імпарце тавараў, экспарце паслуг, інвестыцыях. Аднак 9 даведзеных прагнозных паказчыкаў не выкананы. Падчас пасяджэння былі заслуханы тлумачэнні некаторых кіраўнікоў, якія не справіліся з даведзеным заданнем. Усе яны, згодна з рашэннем райвыканкама, будуць прыцягнуты да дысцыплінарнай адказнасці.
Старшыня райвыканкама Анатоль Жданеня пры абмеркаванні прагнозу на 2011 год акцэнтаваў увагу прысутных на абавязковае выкананне ўсіх даведзеных заданняў, паколькі эканоміка накіравана на павышэнне ўзроўню дабрабыту чалавека.
На пасяджэнні райвыканкама таксама было разгле-джана пытанне аб ходзе выканання ў 2010 годзе патрабаванняў Дырэктывы Прэзідэнта Рэспублікі Беларусь №3 ад 14 чэрвеня 2007 года “Эканомія і беражлівасць – галоўныя фактары эканамічнай бяспекі дзяржавы” і задачах на 2011-ы. Адзначана, што рэалізавана 21 мерапрыемства, якія былі ўключаны ў раённую праграму па энергазберажэнні на 2010 год з аб’ёмам фінансавання 2131,6 млн рублёў, у тым ліку 199,5 млн – сродкі інавацыйнага фонду Мінэнерга. Разам з тым, як адзначыла Ала Раманоўская, кіраўнікі арганізацый не прымаюць дзейсных мер па паляпшэнні фінансавага становішча прадпрыемстваў за кошт зніжэння затрат, эканоміі сыравінных, матэрыяльных, паліўна-энергетычных рэсурсаў. З гэтай мэтай упраўленням, аддзелам райвыканкама, арганізацыям раённай уласнасці даручана забяспечыць выкананне норм палажэнняў аб матэрыяльным і маральным стымуляванні работнікаў за эканомію і рацыянальнае выкарыстанне паліўна-энергетычных і матэрыяльных затрат, распрацаваных у адпаведнасці з Пастановай Міністэрства працы і сацыяльнай абароны Рэпублікі Беларусь і Дзяржаўнага камітэта па стандартызацыі Рэспублікі Беларусь №132/54 ад 29 кастрычніка 2007 года.
Марыя ШЭІНА
Поделиться
Автор: info
Комментарии