Мінулы Год культуры ва ўстановах культуры нашага раёна быў прысвечаны іх эстэтызацыі. Гэты працэс прадаўжаецца і сёлета.
Спачатку былі складзены і абмеркаваны планы, якія з цягам часу ажыццяўляліся. Практычна ўсе работы выконваліся ўласнымі сіламі.
Напрыклад, у Песачанскім Цэнтры культуры і вольнага часу, як паведаміла яго дырэктар Любоў Карповіч, былі падрыхтаваны памяшканні для камфортнай работы клубных аб’яднанняў. У прыватнасці, на базе ўстановы культуры былі абноўлены пакоі, у якіх размяшчаюцца экалагічны клуб «Родник» і фальклорны «Жалейка».
[caption id="attachment_57586" align="aligncenter" width="580"]
Экспазіцыя фальклорнага клуба «Жалейка»[/caption]
Сёлета больш увагі надаецца навядзенню парадку на тэрыторыі каля Цэнтра культуры і вольнага часу. Ужо пафарбаваны фасад будынка. Таксама абноўлены клумбы, высаджаны кветкі, праведзена іншае азеляненне.
— Установа культуры павінна быць цэнтрам эстэтыкі, — дзеліцца сваімі меркаваннямі Любоў Карповіч. — Таму мы робім усё для таго, каб наш Цэнтр вабіў сваёй прыгажосцю, радаваў вока мясцовых жыхароў і тых, хто праязджае паўз яго.
Рамонтныя работы праведзены гаспадарчым спосабам сіламі работнікаў установы культуры, гаспадарчай групы аддзела ідэалагічнай работы, культуры і па справах моладзі райвыканкама пры значнай падтрымцы Капыльскага рамонтна-будаўнічага ўчастка, раёна электрасетак. Днямі зроблены касметычны рамонт унутры памяшкання, у прыватнасці, пафарбаваны столь і сцены на лесвічным маршы.
Сяргей КОЗЕЛ
Фота аўтара
Комментарии