Галоўная мэта сустрэчы — адшукаць вакансіі для працаўладкавання непрацуючых грамадзян і тых, якія часова не заняты ў эканоміцы. Пра гэта гаварыў старшыня райвыканкама Анатоль Ліневіч.
Таксама была звернута ўвага на законнасць працаўладкавання ў прыватнай сферы, на правільнасць афармлення дакументаў. У адрас індывідуальных прадпрымальнікаў выказана просьба пастаянна паведамляць у сектар занятасці ўпраўлення па працы, занятасці і сацыяльнай абароне райвыканкама аб наяўнасці вакансій для далейшага працаўладкавання непрацуючых.
Падчас дыялогу былі закрануты і іншыя пытанні. У прыватнасці, па афармленні дакументацыі згодна з патрабаваннямі Фонду сацыяльнай абароны насельніцтва, падатковай інспекцыі і г.д. Адным з ключавых стала і пытанне навядзення парадку ля гандлёвых павільёнаў.
Сяргей КОЗЕЛ
Комментарии