Адным з самых праблемных у плане добраўпарадкавання населеных пунктаў на тэрыторыі Цімкавіцкага сельсавета лічыцца вёска Савічы.
Работы па навядзенні парадку, згодна з распараджэннем старшыні райвыканкама Анатоля Ліневіча, тут пачаліся яшчэ ў мінулым годзе. Працягваюцца яны і з наступленнем вясны.
Як расказала старшыня Цімкавіцкага сельвыканкама Алена Острыкава, днямі на добраўпарадкаванні ў Савічах працавалі брыгады з філіяла «Аўтамабільны парк № 21» ААТ «Мінскаблаўтатранс», Капыльскага РАНС, Капыльскага філіяла ДП «Мінаблпаліва». Ідзе выпілоўванне старых аварыйных дрэў, кустоўя. Наперадзе вельмі важная работа — знос фундаментаў і выкарчоўка пнёў, хуткае выкананне якой дазволіць своечасова ўвесці пустуючыя ўчасткі ў севазварот.
Вядзецца работа і па ўстанаўленні нашчадкаў пустуючых дамоў: з пачатку года на іх адрасы адпраўлена 18 пісьмаў з патрабаваннем навесці парадак на сядзібах сваіх продкаў. Работнікі сельвыканкама, згодна з Указам Прэзідэнта Рэспублікі Беларусь № 100, рыхтуюць таксама дакументы па ўключэнні шасці дамоў у рэгістр пустуючых, што дасць магчымасць правесці работы па іх зносе.
Маргарыта САКОВІЧ
Комментарии