Падчас іх акрамя абазначанай тэмы па рэалізацыі дарожна-транспартнай палітыкі абмяркоўваліся і іншыя надзённыя пытанні.
Напрыклад, падчас сустрэчы старшыні райвыканкама Анатоля Ліневіча ў Быстрыцкай СШ была ўзнята набалелая праблема па якасці вады ў аграгарадку.
Прадстаўнікі працоўнага калектыву ААТ «Душава», куды выязджала група пад кіраўніцтвам старшыні раённага Савета дэпутатаў Ірыны Кісляк, задалі пытанні па абслугоўванні гравійных дарог на тэрыторыі іх сельгаспрадпрыемства, па будаўніцтве новай аўтазаправачнай станцыі ў Капылі. Па ўсіх зваротах дадзены адпаведныя тлумачэнні.
Інфармацыйна-прапагандысцкая група пад началам намесніка старшыні райвыканкама Аляксандра Ліпніцкага сустрэлася з калектывам гімназіі № 1 г. Капыля імя М.В. Рамашкі. Начальнік АДАІ Капыльскага РАУС Міхаіл Мельнічэнка пазнаёміў прысутных з тым, як рэалізуецца дарожна-транспартная палітыка ў Рэспубліцы Беларусь і прынамсі ў Капыльскім раёне. Прывёў лічбы, якія характарызуюць сітуацыю на дарогах раёна ў мінулым і пачатку бягучага года, расказаў аб складаемых бяспекі дарожнага руху. Педагогаў вельмі хвалявала, як можна забяспечыць для навучэнцаў гімназіі яшчэ больш прыдатныя ўмовы для бяс-печнай дарогі на заняткі і дамоў. Гэта сітуацыя, па словах Аляксандра Ліпніцкага, будзе разгледжана дадаткова з удзелам кампетэнтных спецыялістаў. Аляксандр Мікалаевіч пазнаёміў прысутных з дэмаграфічнай сітуацыяй у Капыльскім раёне, звярнуў увагу на аспекты, якія знаходзяцца ў полі зроку ўдзельнікаў навучальнага і выхаваўчага працэсаў.
Комментарии