Як адзначыла дырэктар установы адукацыі Марына Крэпская, для дзяцей такі падарунак не толькі нечаканы, але і надзвычай прыемны. Яны ўжо даўно з захапленнем дапамагаюць дарослым у доглядзе жывёл у сваёй міні-гаспадарцы і вельмі радуюцца з’яўленню новых. Там ужо жывуць козы, авечкі, гусі, в’етнамскія свінкі, каровы з цялятамі. А цяпер дзякуючы намесніку старшыні райвыканкама Аляксандру Ліпніцкаму і дырэктару ДДЛГУ «Капыльскі доследны лясгас» Сяргею Ульдзіновічу ў хлопчыкаў і дзяўчынак будзе магчымасць паназіраць і за фазанамі.
Да таго ж гэты падарунак крыху сімвалічны, паколькі фазаны адносяцца да атрада курападобных, а сімвалам наступіўшага года, як мы ведаем, па кітайскім календары будзе Вогненны певень.
Маргарыта САКОВІЧ 
Автор: Слава працы
Комментарии