Сардэчна віншуем вас са Светлым Хрыстовым Уваскрэсеннем – Вялікаднем!
Гэта свята – радасць жыцця, крыніца духоўных сіл, перамогі дабра над злом. Праходзяць гады, стагоддзі, тысячагоддзі, але веліч светлай Велікоднай падзеі застаецца нязменнай. У гэтыя дні зацвярджаюцца вечныя хрысціянскія каштоўнасці: любоў да блізкага, да сваёй Айчыны, міласэрнасць і спачуванне. Вялікдзень узвышае нашы душы, умацоўвае веру ў лепшае, у святое прызначэнне чалавека.
Дык няхай жа збудзецца ўсё, што мы жадаем сабе, сваім блізкім і родным, усім добрым людзям. Каб здаровымі былі вы і вашы дзеці, каб мір, лад і згода былі штодзённа. Каб хлеб быў на стале і ўсяго хапала да хлеба. Шчасця, здароўя, міру і дабрабыту вам!
Раённы выканаўчы камітэт. Раённы Савет дэпутатаў
Комментарии