«Здароўе нацыі — вышэйшая каштоўнасць дзяржавы. Меры па папярэджванні і пераадоленні п’янства і алкагалізму ў Беларусі» — такая тэма чарговага дня інфармавання насельніцтва, які прайшоў у мінулы чацвер на Міншчыне, у тым ліку і ў Капыльскім раёне.
Дакладчыкі, а таксама інфармацыйна-прапагандысцкія групы райвыканкама выехалі ў працоўныя калектывы, дзе вялі гаворку пра здароўе насельніцтва як адну з галоўных умоў эфектыўнай рэалізацыі нацыянальнай стратэгіі ўстойлівага сацыяльна-эканамічнага развіцця Рэспублікі Беларусь.
Тэма адзінага дня інфармавання акцэнтуе ўвагу на ўмацаванні прафілактычнай, рэабілітацыйнай работы сістэмы аховы здароўя, пашырэнні ахопу насельніцтва паслугамі першапачатковай медыцынскай дапамогі, на фарміраванні здаровага ладу жыцця і зніжэнні ўплыву фактараў рызыкі. Пры паспяховым выкананні ўсіх гэтых параметраў чакаецца, што да 2020 года сярэдняя працягласць жыцця ў Беларусі павялічыцца і перавысіць 75 гадоў.
Марыя ШЭІНА
Комментарии