На працягу лістапада на прамыя лініі, што па суботах праводзяць прадстаўнікі мясцовай улады, у Капыльскі райвыканкам паступіла шэсць зваротаў грамадзян.
Большасць з іх датычыцца добраўпарадкавання і рамонту дарог. Напрыклад, дарога па вул. Цэнтральнай у вёсцы Агароднікі. пасля тэлефанавання на прамую лінію тэхнікай ААТ «Капыльскае» зроблена прафіляванне (дарожнаму палатну нададзены правільны папярочны профіль), а яе падсыпка і грэйдзіраванне будуць праведзены пасля завяршэння зімовага перыяду.
Таксама вясной, пры наяўнасці фінансавых сродкаў, што выдзяляюцца на рамонт вуліц сельскіх населеных пунктаў, як запэўнілі ў ДРБУ № 124, запланавана правядзенне падсыпкі і грэйдзіравання вул. Механізатараў у в. Язвіны.
Зварот па спілоўванні аварыйнага дрэва каля дома № 9 у в. Аргелаўшчына станоўча вырашаны 24 лістапада 2016 года.
Пытанне жыхара аграгарадка Лясное наконт дрэннага асвятлення вуліц накіравана на разгляд у Бабаўнянскі сельвыканкам, а па грэйдзіраванні абочын да дзіцячага сада — у ДРБУ № 124.
Жыхарка в. Вялешына-І скардзілася на дрэнныя аўтобусныя зносіны. Пасля званка на прамую лінію аўтапаркам № 21 устаноўлены рэгулярны прыгарадны маршрут «Капыль — Бор» з панядзелка па пятніцу, які адпраўляецца з в. Вялешына-І у 8.33, з г. Капыля — у 15.00.
Пытанне па тэрмінах выплаты грашовага ўзнагароджання ў сувязі з выхадам на заслужаны адпачынак па выслузе гадоў у ААТ «Душава» зараз вывучаецца, адказ заяўніцы будзе дадзены дадаткова.
Падрыхтаваў Сяргей КОЗЕЛ
Комментарии