Прыцягнуць увагу грамадскасці да агульных намаганняў у барацьбе з ВІЧ-інфекцыяй — такую задачу ставяць перад сабой прадстаўнікі раённай арганізацыі ГА «БРСМ» падчас традыцыйнай акцыі «Дастукацца да нябёсаў».
[caption id="attachment_53739" align="aligncenter" width="580"]
Удзельнікі акцыі - вучні ДУА «Гімназія № 1 г. Капыля імя М.В. Рамашкі»[/caption]
На цэнтральнай плошчы горада валанцёры выстройваюцца ў фігуру, якая нагадвае сімвал акцыі — чырвоную стужку, згорнутую гафтачкай. Белыя надзіманыя шарыкі ў руках моладзі, якія сімвалізуюць душы памерлых ад СНІДу людзей, роўна ў 15 гадзін узнімаюцца ў неба. Такім чынам юнакі і дзяўчаты ўшаноўваюць памяць тых, чые жыцці забрала гэта каварная хвароба.
Далей удзельнікі флэшмоба, размаўляючы з прахожымі, нагадваюць жыхарам Капыля і гасцям горада пра прафілактыку гэтага захворвання, а таксама ўручаюць невялікія лістоўкі з інфармацыйна-прафілактычным матэрыялам па праблеме ВІЧ-інфекцыі.
Сяргей ЛАЗОЎСКІ
Фота аўтара
Комментарии