У ААТ “Капыльскі масласырзавод” у 2010 годзе рэалізаваны інвестыцыйны праект коштам звыш 23 млрд рублёў, дзякуючы якому запушчаны цэх па перапрацоўцы сыроваткі.
Устаноўлена абсталяванне еўрапейскага ўзроўню, мантажом і наладкай якога займаліся замежныя партнёры са Славакіі і Германіі.
У новым структурным падраздзяленні прадпрыемства працуюць 23 чалавекі на чале з Віталем Злобіным. З пачатку работы цэха, а гэта 23 лістапада, выпушчана 105 тон сухой малочнай сыроваткі.
Дасягнутае кіраўніцтвам, спецыялістамі завода з’яўляецца пэўным укладам у рэалізацыю Дзяржаўнай комплекснай праграмы развіцця рэгіёнаў, малых і сярэдніх гарадскіх населеных пунктаў і Праграмы перапрацоўкі сухой малочнай сыроваткі ў вытворчасці малочных прадуктаў.
Марыя ШЭІНА
НА ЗДЫМКУ: Віталь Злобін (трэці злева) з членамі калектыву новага цэха.
Фота аўтара
Комментарии