У рамках Кубка раёна па гандболе 26 лістапада на фізкультурна-аздараўленчым комплексе прайшлі гульні другога тура спаборніцтваў.
Амаль што аднолькавым узроўнем падрыхтоўкі вызначыліся каманды «Слабада-Кучынка» і «РАНС». Іх сустрэча закончылася з лікам 29:26. Лепшым іграком прызнаны Андрэй Жалкоўскі з каманды-пераможцы, які закінуў 12 мячоў.
ГК «Капыль» з першых хвілін пераўзыходзіла «Пясочнае», таму і сустрэча закончылася з лікам 34:10. Тут лепшым прызнаны Аляксандр Ліпніцкі (ГК «Капыль»), на рахунку якога 8 мячоў.
Столькі ж закінуў і Уладзімір Рудзеня з ААТ «Семежава». У напружанай барацьбе гэта каманда перамагла праціўнікаў з РСУП «Бабоўня» з лікам 34:26.
Як паведаміў галоўны суддзя спаборніцтваў Дзмітрый Була, пасля двух тураў турнірную табліцу Кубка раёна па гандболе ўзначальваюць ГК «Капыль» і ААТ «Семежава» (у іх па 4 ачкі), па два маюць спартсмены са Слабада-Кучынкі і Бабоўні, нуль ачкоў на рахунку каманд з Пясочнага, РАНС і Капыльскага ЦДТ.
Трэці тур спаборніцтваў пачнецца ў 16 гадзін 3 снежня.
Сяргей КОЗЕЛ
Фота аўтара
Комментарии