Зацверджаны раённы комплексны план мерапрыемстваў па прафілактыцы безнагляднасці, правапарушэнняў непаўналетніх, абароне іх правоў і законных інтарэсаў на 2016-2018 год.
Згодна з ім распрацаваны арганізацыйна-метадычныя і аналітычныя, арганізацыйна-практычныя мерапрыемствы па дадзенай тэме. У сувязі з гэтым будуць праведзены семінары, курсы, трэнінгі для праблемных сем’яў, навучальныя семінары для педработнікаў. Значная ўвага надаецца прафілактыцы правапарушэнняў сярод непаўналетніх, прапагандзе здаровага ладу жыцця і фарміраванню культуры бяспечнай жыццядзейнасці. Пэўнае месца займаюць мерапрыемствы па раз’ядноўванні груп непаўналетніх нефармальнага кірунку, якія схільныя да здзяйснення проціпраўных учынкаў. У цэнтры ўвагі таксама знахо- дзяцца прафілактыка сямейнага недабрабыту, сацыяльнага сіроцтва, насілля над дзецьмі, арганізацыя летняй занятасці непаўналетніх, прадухіленне траўматызму і гібелі дзяцей ад знешніх прычын.
Сяргей КОЗЕЛ
Комментарии